Menahem Nabet - Musique

• Menahem Nabet - Kol Ete Eleikha (A Capella)

Écouter en boucle

• Piyout : Kol Ete Eleikha
• Shira Hadacha Page: 302

• כל עת אליך / משה אשקר הכהן

  כָּל עֵת אֵלֶיךָ עֵינַי וְנַפְשִׁי אֶשָּׂא
  יָהּ הָבִינָה לְהֶגְיוֹנַי וְעָלַי יָהּ חוּסָה

  מַלְכִּי בָּךְ אָגִיל אֶפְרַח וְגַם אֲקַוֶּה
  עֲדֵי תָאִיר מִמִּזְרָח נָגִיד וּמְצַוֶּה
  לִקְבֹּץ לְעַם הָאֶזְרָח אֶל נָוֶה נָוֶה
  וְשָם כְּבוֹדְךָ יִזְרַח בְּבֵית הֵיכָלִי

  שָׁאוֹל אֶשְׁאַל מִמָּךְ אֵל הַקְשֵׁב רִנָּתִי
  בִּזְכוּת אַבְרָהָם הוֹאֵל וֶאֱסֹף עֲדָתִי
  תּוֹךְ מִקְדָּשׁ וַאֲרִיאֵל הִיא עִיר נְוָתִי
  כִּימֵי מָרְדְּכַי גּוֹאֵל יִזְרַח אוֹרָךְ לִי

  הֱיֵה סְבִיבִי חוֹנֶה יָהּ צוּר נַעֲלָה
  טֶרֶם אֶקְרָא תַּעֲנֶה וְתָחֹן סֶלָה
  בֵּית בְּחִירָתִי בְּנֵה כְּבַתְּחִלָּה
  עַד אָן צַר לִי יְעַנֶּה נָא הַתֵּר כִּבְלִי

  חָזָק אוֹרָךְ לִי יִנְהַר וְעָלַי חוֹפֵף
  הַט לִי שָׁלוֹם כַּנָּהָר כִּי בָּךְ אֶסְתּוֹפֵף
  אֵלִיָּה כַנֶּשֶׁר עַל הַר צִיּוֹן יְעוֹפֵף
  יְבַשֵּר טוֹב וְיִנְהַר לִקְרֹא דְרוֹר לִי

  חַי אֵל גָּדוֹל וְנֶעְלָם בַּקֹּדֶשׁ נֶאְדָּר
  מַלְכוּתְךָ מַלְכוּת עָלַם עַל כָּל דָּר וָדָר
  יַסֵּד הֵיכָל וְאוּלָם בִּמְקוֹם הַנֶּהְדָּר
  וְאַקְרִיב כִּימֵי עוֹלָם שַׁי לַמּוֹרָא לִי

  יָהּ רָם שׁוֹכֵן בַּשַּׁחַק נָא הֲשִׁיבֵנִי
  לָמָּה מִמֶּנִי תִרְחַק וְתַעַזְבֵנִי
  וְאִם מִפִּשְׁעִי נִדְחַק לָךְ הֲשִׁיבֵנִי
  וּזְכֹר עֲקֵדַת יִצְחָק וְהוֹשִׁיעָה לִי

  רַחוּם רְצֵה שִׂיחֵנוּ בְּגִין אַהֲרֹן
  שְׁמַע יָהּ אֶת קוֹלֵנוּ זֶה לְזִכָּרוֹן
  כִּימֵי מֹשֶׁה רוֹעֵנוּ הַלְוִיִּם תָּרֹן
  וּבְרָצוֹן בָּרְכֵנוּ כְּשֵׁבֶט נַפְתָּלִי



• Publiée le : 2022-05-31 18:45:20

Tendance

Tipheret Hamizrah - Halelouya (Shaharit - Bayat)

Yoni Attlane - Mawal Nahawand

Olivier Seror, David Mamou, Franck Berda, Eliezer Hejaje, Gérard Hababou, Roland Saada & Eric Bellaiche - Chir Hachirim

Shmouel Ouzan - Kala Zeman Anedod (Live Siwan 5784)

David et Rahamim Shiro - Na Sim Alay - A Capella